ميزانيتك

نصايح مهمه لتوفير وقتك وجهدك وميزانيتك في الشهر الكريم

ياميش رمضان - أرشيفية
ياميش رمضان - أرشيفية

 رمضان هل علينا   .. كل سنة وكل أم وأب وأسرة مصرية بخير وبعودة الأيام
شهر رمضان من الشهور اللي بتحتاج مصروفات كتير خاصة في ظل عادات سيئة كلنا بنعملها وتوارثناها عن ابائنا واجدادنا وده بيرفع ميزانية البيت في الشهر الكريم  ...عشان كده ميزانيتك حتساعدك بشوية نصايح تقدري من خلالها توفري في الفلوس والوقت والجهد
أولًا : اشتري حاجتك قبل شهر رمضان ... لو بتشتري حاجتك يوم بيوم لازم تغيري العادة دي عشان توفري في وقتك وجهدك وكمان مالك .. انتي ممكن تشتري المواد الأساسية عالأقل واللي مش حتبوظ من التخزين زي الرز والمكرونة والسمن والمعلبات  وتستفيدي من العروض اللي بتنزلها بعض الفروع الشهيرة للسوبر ماركت في بداية رمضان أما الحاجة اللي ممكن تبوظ فممكن تشتريها مرة كل أسبوع ده حيوفر عليكي حاجات كتير مالهاش لازمة بتشتريها  لو بتنزلي بشكل يومي وبالتالي حيظبط ميزانيتك .
حضري قايمة بالأطعمة اللي حتقدميها لعيلتك بشكل اسبوعي لأنه التفكير كل يوم حتطبخي ايه حيضيع الوقت وكمان دة حيساعدك في معرفة مشترياتك مرة واحدة .
عشان توفّري وقتك خلال شهر رمضان قومي بتجفيف الخضروات الموسمية كالملوخية والبامية والفول والبازيلاء في أكياس تكفي مرة واحده واستعيني بها خلال شهر رمضان فهي سهلة الطهي وتوفّر عليكِ التعب والجهد .. مش بس الخضار انتي كمان ممكن تتبلي لحوم ودواجن وأسماك وتخزنيها متتبلة جاهزة وبكدة حتتعبي يوم واحد بس وبعدها ترتاحي ده طبعا بخلاف حاجات خفيفة زي ورق العنب والسمبوسك
بلاش عزومات خارجية في مطاعم غالية .. لو عاوزة تعزمي اهلك او اصحابك ما فيش احلى من لمة و أكل البيت وبلاش كميات كتيرة لزوم الفشخرة  وإفتكري إن الصايم بياكل في رمضان أقل من الكمية العادية  وممكن تسألي اللي عازماهم بيحبوا ايه عشان تتجنبي بقاء الأطعمة أو رميها في القمامة .


 لا يشترط أن تكون عزومات رمضان فيها بط وحمام ورومي وكثير من الأصناف  الغالية ممكن تحضري حاجات كتير من الأصناف المختلفة بالدجاج واللحم.

 جمعي الأكل المتبقي واحفظيه جيدا في الثلاجة أو الفريزر لأنه سيكفي لإفطار يوم في رمضان. أو  ممكن تاخدي ثواب كبير بوضعه بشكل مرتب في أطباق وقومي بتوزيعه لأي شخص محتاج.

أما بالنسبة لشراء ياميش رمضان، فاشتري كميات قليلة منه وإذا احتجت قومي بالشراء مرة أخرى حتى لا تنفقي كثير من النقود وتتفاجأي أنك لا تحتاجين هذه الكمية.

 الحلويات بالمكسرات في رمضان بالتأكيد لها طعمها الذي لا يقاوم. ولكن في العزومات، اتجهي إلى الحلويات البسيطة مثل الأرز بلبن والكريم كراميل وذلك للحفاظ على الميزانية في شهر رمضان.

ميزانية شهر رمضان بالتأكيد تشمل ملابس العيد، وهنا سأقول لك، لا يشترط أن تقومي بشراء ملابس كاملة لأفراد الأسرة جميعهم في رمضان. أي قومي بشراء القطع الأساسية، فلا داعي لشراء جينز جديد على سبيل المثال إذا كانت الميزانية محدودة.

ياميش رمضان رمضان أسعار الياميش رمضان الخير

ميزانيتك

    x
    upload/press/iNFO/rss/rss15.xml x0n not found
إعلان
إعلان