بيتك ومطرحك

بتحلم تدرس بره ؟ إليك بعض النصائح التي تساعدك في اتخاذ قرارك

مراية

بتفكر تدرس برة مصر ؟ ، وخطوة الدراسة في الخارج بقت حلم شاغل تفكيرك ومش عارف تبدأ منين ؟
قبل ما تفكر تاخد خطوة لازم تعرف تختار البرنامج الأفضل والأنسب ليك ، ولازم تعرف المعايير اللي لازم تاخدها بعين الإعتبار عشان تساعدك في اختياراتك ، وتقدر تستفيد منها وتكون الأنسب لإمكانياتك وظروفك الشخصية
أهم المعايير اللي لازم تحددها قبل اتخاذ قرارك بالدراسة بالخارج
1/ الترتيب العالمي للجامعة
لما تفكر تدرس برة لازم تعرف ترتيب الجامعة اللي حتدرس فيها ، طبعا كل ما تكون جامعة متقدمة عالميا خصوصا في مجال التخصص بتاعك ، ده تأثيره حيكون كبير على التحصيل وجودة التعليم مقارنة بجامعات تانية ، كمان حتضيف لسيرتك الذاتية وحيكون ليك الأفضلية في بداية مستقبلك المهني ، ده مش معناه بالتأكيد انك تحصر اختياراتك في أفضل عشر جامعات على مستوى العالم ، طبعا لأ ، لازم كمان تكون واقعي وتعرف امكانياتك ومؤهلاتك ، عشان توصل لهدفك بشكل أسرع .
على سبيل المثال لو كنت ناوي تدرس ماجستير في أي جامعة ليها ترتيب محترم عالميا ، فهل انت تمتلك درجة أكاديمية عالية ؟ هل حصلت على مجموع عالي في اختبار تحديد مستوى اللغة الإنجليزية " الأيلتس – التوفل " ؟؟
عشان تكون واقعي لازم تسأل نفسك سؤال هل تملك مؤهلات تمكنك من من المنافسة والقبول بأفضل الجامعات في العالم ؟
لو الإجابة لا ، يبقى لازم تعدل اختياراتك ويكون اختيارك لجامعة حاصلة على ترتيب خمسين أو ستين عالميا في تخصصك طبعا ، بالمناسبة ده حيضمن ليك جودة تعليم عاليه ومميزة .
2/ تفكيرك للمستقبل
بتفكر تدرس برة وترجع تاني تشتغل في مصر ،ولاَّ بتفكر في الدراسة في جامعة في بلد معينة وتستقر بعدها في البلد دي ، إجابة السؤال ده حتحدد بشكل كبير اتجاهك وحتساعدك في اختياراتك للبلد اللي حتكون وجهتك الجاية ، يعني حتكون اختياراتك محددة " بلد تقدر تحصل على تأشيرة إقامتها بعد الدراسة ، وتكون فيها فرصة عمل في مجالك اللي درسته
تأشيرات الدراسة
تأشيرة الدراسة حتكون أحد العوامل التي حتحدد على أساسها اختيارك ، لأن إجراءات وقوانين التأشيرات بتختلف من دولة لأخرى ، في بعض الدول بتسمح بعدد ساعات معينة خلال الدراسة ، وبعض الدول بتسمح للدارس بالبقاء فترة بعد انتهاء دراسته وده طبعا بيختلف من دولة لأخرى ، وحيكون محدد هام لقرارك .
التمويل الدراسي
من أكثر الأشياء التي بتشغل بال الطلاب عند الإقبال على مرحلة الدراسة هي توفير التمويل الدراسي، طبقاً لإمكانياته المادية ، أو الحصول على تمويل دراسي من جهة معينة ، ووقتها مش حيكون في مشكلة في تمويل مصاريف الدراسة ، أمَّا لو كنت لا تملك الإمكانيات المادية ، فما عليك سوى اختيار جامعة قد تُقدّم بعض الدعم لدارسيها مثل خصم جزء من المصروفات أو التكفل بتغطية مصاريف الدراسة ، خاصة لو أظهرت تفوق دراسي أو تقدر تختار برنامج يسمح ليك بالعمل عدد ساعات أكثر عشان تقدر توفر بعض مصروفات الدراسة
الموقع
هل بتحلم بالدراسة في جامعة في العاصمة أو جامعة بمنطقة ريفية أو منطقة ساحليه ؟
الموقع بيأثر بشكل كبير في اختياراتك ، حسب الرغبة النفسية بالعيش في مكان له طبيعة معينة ، لأنه بيأثر على حياتك بشكل مباشر ، بمعنى إنه المعيشة والدراسة في العاصمة بيكون تكلفته المادية أكبر من تكلفة العيش والدراسة في المدن الريفية أو المحافظات الأخرى والإقامة بالمدن الطلابية ، وبكده أصبح اختيارك محدد بقدرات معينة ،ده طبعا بخلاف التأثر من اختلاف الطقس والتأقلم على المعيشة في دول طقسها مختلف عن مصر .

ثقافة البلد
بالتأكيد ثقافتنا المصرية بتختلف كليا عن ثقافات دول تانية ممكن تلجأ ليها للدراسة أو العمل لاحقا خاصة ثقافة الدول الأوروبية ، وبناء عليه ممكن تفضل دولة معينة لأن ثقافتها شبيهة بيك أو بأفكارك أو عاداتك ، كمان في دول ممكن تلاقي فيها جاليات مصرية أو عربية ممكن تكوِّن فيها صداقات تساعدك على التأقلم في البلد الغريب ، وده ممكن يكون عامل مهم في اختيارك لبلد الدراسة .

الدراسة خارج مصر الدراسة في أوروبا الدراسة في امريكا الدراسة في تركيا

    x
    upload/press/iNFO/rss/rss15.xml x0n not found
إعلان
إعلان